არაჩვეულებრივი დასვენება “ზესხოში„
ექსტრემალური და აქტიური დასვენების მოყვარულებს „ზესხო“ ზღვის დონიდან 1 900 მეტრზე აგიყვანთ და ალბათ თქვენს ცხოვრებაში ყველაზე საინტერესო და უცნაურ შეგრძნებებს განგაცდევინებთ. უზომო ადრენალინი, ალპინისტური ტურები, ვარჯიშები მთაზე ასვლაში, მწვერვალების დაპყრობა, ექსკურსია უშგულში და თორმეტი დღე ალპურ ზონაში ბანაკში ცხოვრება – ეს ყველაფერი 25 ივლისიდან იქნება თქვენს განკარგულებაში. ამ ყველაფერს ემატება კვირიკობა. 28 ივლისს, სახალხო დღესასწაულზე, „ზესხო“ დაგეხმარებათ სოფელ კალაში ასვლაში, სადაც დაუვიწყარ შთაბეჭდილებებს მიიღებთ. აგვისტოდან კი „ზესხო“ სტუდენტურ ალპინიადას იწყებს, სადაც სტუდენტები საკუთარ ძალებს გამოცდიან მეკლდეურობაში.