ფრანგმა ველოსიპედისტმა რობერ მარშანმა თავის ასაკობრივ კატეგორიაში მსოფლიო რეკორდი დაამყარა, მან ერთ საათში 24,5-იანი დისტანცია დაფარა. ერთი შეხედვით, სპორტსმენისთვის ამ დისტანციის დაფარვას გაცილებით ნაკლები დრო უნდა დასჭირვებოდა, თუმცა გასათვალისწინებელია, რომ რობერ მარშანი 1911 წელს არის დაბადებული და ველოსპორტით მხოლოდ 78 წლის ასაკში დაინტერესდა. მარშანის რეკორდი ველოსპორტის საერთაშორისო კავშირის წარმომადგენლებმა დაადასტურეს. მისმა მწვრთნელმა, ჟერარ მისლემ განაცხადა, რომ თავისი ასაკისთვის მარშანი საუცხოო სპორტულ ფორმაშია – ყოველდღიურად ვარჯიშობს, არ ეწევა და ალკოჰოლს მხოლოდ დღესასწაულებზე სვამს. თავად რეკორდსმენმა კი განაცხადა, რომ უფრო სწრაფადაც შეეძლო პედლების ტრიალი, უბრალოდ, სურვილი არ ჰქონია.