მას შემდეგ, რაც „ვალენსიას” ნახევარმცველმა, ევერ ბანეგამ ავტოგასამართ სადგურზე, მანქანაში ბენზინის ჩასხმისას ფეხი მოიტეხა, ესპანურმა „მარკამ” მსოფლიოში ფეხბურთელთა მიერ ყველაზე არასპორტულ ვითარებაში მიღებული, უაზრო ტრავმათა რეიტინგი გამოაქვეყნა. რეიტინგში მოხვდნენ ალესანდრო ნესტა – „ფლეისტეიშენის” თამაშის დროს ფეხზე მყესი გაიწყვიტა; რიო ფერდინანდი – დაიზიანა მუხლი, როდესაც დივანზე წამოწოლილი ტელევიზორის პულტის აღებას ცდილობდა; სანტიაგო კანისარესი – აბაზანაში მუხლზე დაეცა და ოდეკოლონის ფლაკონით მყესი გაიჭრა; კარლო კუდიჩინი – ძაღლის გასეირნების დროს დაიზიანა მუხლი; მიხაელ რენსინგი – გერმანელ გოლკიპერს კუნთი დაეჭიმა ბუცებზე თასმების შეკვრისას.