სტუდია „სანოში” მომღერლებმა ხათუნა გვენეტაძემ და ლაშა ღლონტმა ჩაწერეს კომპოზიტორ ნატო თოთიბაძის ქალაქური რომანტიკულ-ლირიკული სიმღერა – „გული რომ ამღერდეს”. სიმღერის ტექსტი ნანა ცინცაძემ დაწერა. როგორც ლაშა ღლონტმა გვითხრა, ეს დუეტი მის სოლო კონცერტზე შესრულდება და ძალიან მოსწონს, რომ სიმღერა სიყვარულზეა. ხათუნა გვენეტაძემ კი აღნიშნა, რომ სიმღერა ერთ კვირაში მზად იქნება და ის მის ახალ ალბომში შევა, რომელიც, სავარაუდოდ, მარტში გამოვა.