გაზაფხული მოვიდა და ორგანიზმი ვიტამინების ნაკლებობას განიცდის. ამიტომ, დროა, დაიცვათ დიეტა, რომლის რაციონიც ძირითადად ფაფებისა და ბოსტნეულისგან შედგება. ამ 8-დღიანი დიეტის დაცვის შემდეგ აუცილებლად იგრძნობთ სიმსუბუქეს, დაგიბრუნდებათ ხალისიანი განწყობა; გაიწმენდთ ორგანიზმს წიდებისგან და, რა თქმა უნდა, საგაზაფხულოდ ზედმეტ კილოგრამებსაც მოიშორებთ.

რჩევა: ამ დიეტის დაცვისას, კვებასა და კვებას შორის მიირთვით 100 გრამამდე ჩირი (ნებისმიერი ხილის) – ის კარგად აქრობს შიმშილის გრძნობას.

თავისებურება: რაციონიდან მთლიანად ამოიღეთ: ხორცეული, შაქრის შემცველი პროდუქტები, ყავა და გაზიანი სასმელები.

მოქმედების პრინციპი: 8 დღის განმავლობაში უნდა მიირთვათ მხოლოდ უმი ბოსტნეულისგან მომზადებული კერძები.

მოსალოდნელი შედეგი: 8 დღეში დაიკლებთ 3-5 კილოგრამს. 

1) მთელი დიეტის განმავლობაში:

პირველ საუზმეზე მიირთვით 250 გრამ წყალზე დამზადებული „ჰერკულესი” და დააყოლეთ 1 ჩაის ჭიქა გაზგასული მინერალური წყალი.

მეორე საუზმეზე (საათ-ნახევრის შემდეგ) – ა) 1 ცალი ცეხვილი მარცვლეულისგან გამომცხვარი ფუნთუშა და 1 ჭიქა მწვანე ჩაი; ბ) ხილის სალათა.

2) სადილისთვის, შეგიძლიათ, აირჩიოთ: ა) ვეგეტარიანული ბორშჩი, მოხარშული კარტოფილი ან „გრილზე” დამზადებული ბოსტნეული; ბ) მჟაუნის წვნიანი და მოხარშული ლობიო, გ) ბრინჯი მოხარშული ჭარხლისა და სოკოს გარნირით; დ) მჟაუნის სუპი და დიეტური მაკარონი.

3) ამ დიეტაში ნებადართულია მცირეოდენი სასუსნავებიც: 30 გრამი მწარე შოკოლადი, 100 გრამი ყურძენი და 30 გრამი თაფლი.

ვახშამი – არაუგვიანეს 19 საათისა. ვარიანტები თავად შეარჩიეთ:

ა) წიწიბურა სტაფილოსა და ხახვის გარნირით;

ბ) მოშუშული კომბოსტო და სოკო;

გ) გამომცხვარი ვაშლი;

დ) ბოსტნეულის სალათა და ფორთოხლის ფრეში;

ე) „გრილზე” მომზადებული ბოსტნეული;

ვ) ბულგარულ წიწაკასთან და პომიდორთან ერთად ჩაშუშული კარტოფილი.

ვახშმის შემდეგ დალიეთ 250 მილილიტრი გაზგასული მინერალური წყალი.

თითოეული ულუფა არ უნდა აღემატებოდეს 300 გრამს.