ესპანური საფეხბურთო კლუბის, მადრიდის „ატლეტიკოს” პრეზიდენტმა ენრიკო სერესომ რომის პაპს ბენედიქტე მეთექვსმეტეს, შეცდომით ბენიტო მეთექვსმეტე უწოდა. ინციდენტი პრესკონფერენციაზე მოხდა, როცა სერესო ჟურნალისტების კითხვებს პასუხობდა კლუბის ხელმძღვანელობისა და ფეხბურთელების რომის პაპთან შეხვედრის თაობაზე. სერესოს თქმით, რომის პაპთან შეხვედრამ დადებითად იმოქმედა ფეხბურთელებზე. საინტერესოა, რომ მადრიდის „ატლეტიკო” სხვადასხვა დროს ბენედიქტე მეთექვსმეტის წინამორბედს, იოანე პავლე მეორეს ორჯერ შეხვდა, ხოლო ამჟამინდელ პაპთან შეხვედრა პირველი იყო.