2020 წლის ზაფხულის ოლიმპიური თამაშების მასპინძლობისთვის  ტოკიო, მადრიდი, სტამბული, დოჰა და აზერბაიჯანის დედაქალაქი ბაქო იბრძოლებენ. ახლახან ცნობილი გახდა, რომ გამარჯვების ერთ-ერთმა ყველაზე რეალურმა კანდიდატმა – რომმა მოხსნა თავისი კანდიდატურა. იტალიის მთავრობის მეთაურის, მარიო მონტის თქმით, ოლიმპიადის მასპინძლობა სერიოზულ ხარჯებთან იქნება დაკავშირებული. იტალიის ფინანსური მდგომარეობა კი ამჟამად მძიმე ფინანსურ კრიზისს განიცდის და მსგავსი ხარჯებისთვის მზად არ არის. ამგვარად ოლიმპიადის მასპინძლობის ერთ-ერთ ყველაზე რეალურ კანდიდატად ტოკიო და მადრიდი სახელდება. თუმცა, ექსპერტები არც ბაქოს მიიჩნევენ აუტსაიდერად.