ინგლისელმა დევიდ ბექჰემმა ოფიციალურად დაადასტურა, რომ ამიერიდან აღარ მიიღებს მონაწილეობას ქვედა საცვლებისა და მამაკაცის თეთრეულის სარეკლამო რგოლების გადაღებაში. ამის შესახებ ფეხბურთელმა ბრენდ H&M-ის სახელით, საკუთარი თეთრეულის კოლექციის წარდგენაზე განაცხადა. ფეხბურთელის თქმით, ეს გადაწყვეტილება მან მას შემდეგ მიიღო, რაც ნახა, თუ როგორი რეაქცია ჰქონდათ მის შვილებს  ტელევიზორში ტრუსების ამარა მამის დანახვაზე. ბექჰემის დიზაინით შექმნილი ტრუსების გაყიდვა უკვე დაიწყო H&M-ის მაღაზიათა ქსელში მთელი მსოფლიოს მასშტაბით. თავად ბექჰემს კი, სხვადასხვა დროს „კელვინ ქლაინისა” და „ემპორიო არმანის” მიერ შექმნილი ტრუსების რეკლამირებაში აქვს მონაწილეობა მიღებული, რაშიც სოლიდური ანაზღაურება აიღო.