ცნობილი ფრანგი ფეხბურთელი, ზინედინ ზიდანი ფრანგ კომიკოსს, კრისტოფ ალვეკს სასამართლოში უჩივის და მორალური ზიანის ასანაზღაურებლად, მისგან 75 ათას ევროს  და ბოდიშის მოხდას მოითხოვს. ალვეკმა ერთ-ერთ ინტერვიუში ზიდანი არაპატრიოტულ ქმედებაში დაადანაშაულა, იმის გამო, რომ ის ყატარის კანდიდატურას მიემხრო 2022 წლის მსოფლიო ჩემპიონატის მასპინძლის დასახელებისას. ამაში კი ზიდანმა 3 მილიონი ევრო მიიღო. ალვეკმა ფეხბურთელს ასევე, კბილი გაჰკრა 2006 წლის მუნდიალის ფინალური მატჩის დროს მომხდარი ინციდენტის გამო მარკო მატერაცისთან, რისთვისაც ზიდანი მოედნიდან გააძევეს. ალვეკის თქმით ზიდანი დამნაშავეა ფრანგი ერის წინაშე, რომ ნაკრებს შანსი დააკარგვინა მეორედ გამხდარიყო მსოფლიოს ჩემპიონი. ზიდანის ქცევას ალვეკმა „პროსტიტუციის მსუბუქი ფორმა” უწოდა. სასამართლო განხილვები მარტში დაიწყება.