მსოფლიოს მეორე ჩოგანმა რაფაელ ნადალმა და ბიძამისმა, „ბარსელონას” ყოფილმა ფეხბურთელმა მიგელ-ანხელ ნადალმა საფეხბურთო კლუბ „მალიორკას” აქციათა 10 პროცენტი გაყიდეს, რომელსაც ორივე თანაბრად ფლობდა. მყიდველი გერმანელი ბიზნესმენი უტც კლასენია, რომელიც მანამდე აქციათა 20 პროცენტს ფლობდა, ახლა კი თავისი წილი 30 პროცენტამდე გაზარდა. ნადალების ოჯახის წარმომადგენელი ფერნანდო მარტოსი ოქტომბერში კლუბის დირექტორთა საბჭოს წევრობიდან გადადგა, რადგან კლუბის მწვრთნელის თანამდებობაზე მიგელ-ანხელ ნადალი დაინიშნა, რომელმაც დანიელი მიქაელ ლაუდრუპი შეცვალა. მარტოსი სწორედ ამ მიზეზის გამო გადადგა, ხოლო მოგვიანებით ნადალების ოჯახმა აქციათა გაყიდვაც გადაწყვიტეს.