ფორმულა 1-ის საჯინიბოს „ფერარის” პილოტმა ფერნანდო ალონსომ და მისმა მეუღლემ ესპანელმა მომღერალმა რაკელ დელ როსარიომ განქორწინების შესახებ გამოაცხადეს. წყვილი ხუთი წლის განმავლობაში ცხოვრობდა ერთად და მიუხედავად იმისა, რომ დაშორდნენ აცხადებენ, რომ მეგობრებად დარჩებიან. თავის ოფიციალურ ვებ-გვერდზე ალონსომ ღია წერილიც კი გამოაქვეყნა, სადაც საზოგადოებას თხოვნით მიმართა, რომ გაუგონ მას და რაკელს, მოეშვნენ ჭორებს და დაშორების ცრუ ვერსიების გავრცელებას. ბოლო ჩემპიონატი ალონსომ მეოთხე პოზიციაზე დაასრულა. ეს შედეგი „ფერარის” მესვეურობამ წარუმატებლობად მიიჩნია და ახალი სეზონიდან ალონსოს ახალ ბოლიდზე კონკურენციას სებასტიან ფეტელი გაუწევს, „ფერარის” კიდევ ერთმა პილოტმა ფელიპე მასამ ალონსოზე უარესი შედეგი აჩვენა და მეექვსე პოზიციაზე გავიდა.