სერბმა კალათბურთელმა და NBA-ს 2010-2011 წლების სეზონის ჩემპიონმა „დალას მავერიქსის” მაისურით პრედრაგ სტოიაკოვიჩმა 34 წლის ასაკში კარიერის დასრულების შესახებ გააკეთა განცხადება. „ფოქს ნიუსის” ცნობით სტოიაკოვიჩმა კარიერის დასრულების გადაწყვეტილება ზურგის და კისრის ტრავმების გამო მიიღო. სტოიაკოვიჩი 1998 წლიდან ასპარეზობდა ნაციონალურ საკალათბურთო ასოციაციაში და „მავერიქსის” გარდა მას „საკრამენტო კინგზის”, „ინდიანა პეისერსის”, „ნიუ-ორლეან ჰორნეთსის”,  „ტორონტო რეპტორზის” მაისურები მოურგია და თითქმის ყველგან ლიდერი იყო. სტოიაკოვიჩი ყველა დროის ერთ-ერთ საუკეთესო ევროპელ ლეგიონერის სახელით სარგებლობს პლანეტის ყველაზე პრესტიჟულ საკალათბურთო ლიგაში და გარდა ამისა იუგოსლავიის ნაკრებთან ერთად 1992 წელს მან მსოფლიოს ჩემპიონის ტიტული, ხოლო 2001 წელს ევროპის ჩემპიონის ტიტული მოიგო.