საშობაო არდადეგები, „პიტბულად” წოდებულმა ჰოლანდიელმა ფეხბურთელმა, ედგარ დავიდსმა, თავის საცოლესთან – ლამაზმან ოლკაი გულსენთან ერთად, მაიამიში გაატარა. ის ხომ სპორტსმენების საყვარელი ადგილია შობის გასატარებლად. დავიდსი ოლკაისთან ერთად სასტუმროს აუზზე ყოფნისას დააფიქსირეს პაპარაცებმა. ამჟამად ექსფეხბურთელი „აიაქსის” დირექტორატში მუშაობს და მის სახელს უკავშირდება გასული წლის სკანდალი ჰოლანდიურ ფეხბურთში. საქმე ისაა, რომ ფეხბურთის ლეგენდამ, იოჰან კრუიფმა დავიდსის „აიაქსში” დასაქმება მის კანის ფერს დაუკავშირა. ამის გამო ლეგენდარული ფეხბურთელი რასიზმში დაადანაშაულეს. კრუიფი ჯერჯერობით ბოდიშის მოხდას არ აპირებს, დავიდსმა კი კრუიფს უზრდელი უწოდა.