„ბარსელონას” მეკარემ ვიქტორ ვალდესმა თავის „ტვიტერში” ხუმრობით დაწერა, რომ თავს დაესხა ზვიგენი. ამჟამად კანარის კუნძულების ქალაქ ფუერტევენტურას საავადმყოფოში მკურნალობს და არ იცის, რამდენად სერიოზულია დაზიანებები. ამ განცხადებამ, თავდაპირველად, შოკში ჩააგდო „ბარსას” ქომაგები. თუმცა, მოგვიანებით, ვალდესმა კიდევ ერთი ცნობა გამოქვეყნა და აღნიშნა, რომ იხუმრა და კომენტარს ფოტოც დაურთო, სადაც იგი ზვიგენის ფიტულს ხახაში თავს უდებს. თუმცა, ზოგიერთი მისი ქომაგი თავიდანვე მიხვდა, რომ ეს ხუმრობა იყო და ისიც კი ჰკითხა ფეხბურთელს, თავს როგორ გრძნობდა ზვიგენი და ის ზვიგენი შემთხვევით, „ბარსელონას” კაპიტანი, კარლეს პუიოლი ხომ არ იყო.