ჭორებისა და გაუგებრობების შემდეგ, ანანო მჟავიას ცხოვრებაში მშვიდი პერიოდი დადგა. ქალისთვის დედობა ყველაზე დიდი ბედნიერება და სიმშვიდის მომტანი განცდაა, რასაც ტელეწამყვანი და მომღერალი – ანანო მჟავია ოცდაათ იანვარს ეზიარა. ანანომ ჩაჩავას სამშობიარო სახლში საკეისრო კვეთით იმშობიარა. მას ვაჟი შეეძინა. პატარას ნიკოლოზი დაარქვეს. ნიკოლოზ ბეშქენაძე პატარა გულივერია – ოთხი კილოგრამი, ოთხასორმოცდაათი გრამი და ორმოცდათოთხმეტი სანტიმეტრი. ასეთი პარამეტრებით ის ძალიან დიდი ჩანდა სხვა ახალშობილების გვერდით. დედა-შვილი თავს მშვენივრად გრძნობენ. ვულოცავთ ანანოს და ბექა ბეშქენაძეს პატარა ნიკოლოზის დაბადებას, ჯანმრთელობას და დიდხანს სიცოცხლეს ვუსურვებთ მათ!