11 თებერვალს საქველმოქმედო აუქციონზე, რომელიც ნატალია ვოდიონოვას ფონდის, „გაშიშვლებული გულების” მიერ არის ორგანიზებული, თავად ლამაზმანი ქართველი მხატვრის, დევიდ-დათუნას მიერ შესრულებულ ინსტალაციას გამოიტანს სახელწოდებით: „ნატალია ვოდიონოვა – „ლიუბოვ მილიონოვ”. ინსტალაცია ავტორის ტრადიციულ სტილშია შესრულებული. ასობით ლინზის ფენის ქვეშ ნატალიას სახე იკვეთება. სუპერმოდელის უცნაური პორტრეტის სასტარტო ფასი ასი ათასი დოლარია. 

 ვოდიონოვას აღნიშნული აქცია ავტორის საკმაოდ დიდი პროექტის მხოლოდ მცირე ნაწილია. 2013 წელს, ნიუ-იორკის მოდის კვირეულზე გაიმართება დევიდ-დათუნას გამოფენა – „მოდა მსოფლიოს მართავს“. დევიდ-დათუნამ პორტრეტი საქველმოქმედო აუქციონს შესწირა.

დევიდ-დათუნა: „აღფრთოვანებული ვარ ნატალიას პიროვნებით. ის ყოველთვის ზრუნავდა ყველაზე მნიშვნელოვანზე – ბავშვებზე. მიხარია, რომ ამ საქმეში, ამ ნამდვილი ანგელოზის საქმეში, ჩემი წვლილიც უნდა შევიტანო. ამიტომაც, პორტრეტი ათასობით სიტყვა „ლოვ-ით“ შევადგინე, რომელიც ზუსტად ასახავს ამ ძლიერი, ლამაზი და ყველასთვის საყვარელი ქალის შინაგან სამყაროს“.