ლონდონის მუზეუმში გამოჩნდა უნიკალური ექსპონატი – რომის ბრინჯაოს ჟეტონი ბორდელისთვის, რომელიც ჩვენი ერის პირველ საუკუნეს განეკუთვნება. ლაპარაკია ეგრეთ წოდებულ სპინტრიაზე – მონეტისმაგვარ ჟეტონზე, რომელიც ძველ რომში ლუპანარიებში (საროსკიპო სახლებში) შიდა ანგარიშსწორებისთვის გამოიყენებოდა. ჟეტონი სულ ახლახან აღმოაჩინა მოყვარულმა არქეოლოგმა, რეგის კურსანმა ტემზის ნაპირას, პუნტის ხიდის ახლოს. 

სპინტრია 10-პენსიანი მონეტის ზომის ჟეტონია, რომელზეც მამაკაცი და ქალი სექსის დროს არიან გამოსახულნი. ჟეტონის მეორე მხარეს მითითებულია ნომერი XIIII. რაც შეიძლება მე-14 ლეგიონს, ოთახის ნომერს, ან თვით მონა ქალის ნომერს ნიშნავდეს. თუმცა, უმრავლესობის აზრით, ეს მომსახურების ფასის აღნიშვნაა.

დღეისთვის ეს ერთადერთი რომაული სპინტრიაა. „ეს შესანიშნავი არქეოლოგიური ობიექტია. იგი სექსუალურია და პროვოკაციული, ამ სიტყვის საუკეთესო მნიშვნელობით. მსგავსი ექსპონატები მეცნიერებს დაეხმარება, იმუშაონ თემაზე, რომელიც ახლოსაა თანამედროვე ქალაქთან. მუზეუმები უნდა აშუქებდნენ ასეთ უხერხულ თემებს“, – განაცხადა ლონდონის მუზეუმის კურატორმა, კეროლაინ მაკდონალდმა.