16 იანვარი

1547 – რუსეთის პირველი მეფე გახდა ივანე-მეოთხე მრისხანე (ამ დრომდე რუსეთის მმართველები „დიდ მთავრებად“ იწოდებოდნენ).

1920 – ამერიკის შეერთებულ შტატებში ძალაში შევიდა „მშრალი კანონი“.

1963 – ინგლისელი ივონ პოუპი გახდა პირველი ქალი პილოტი საერთაშორისო ავიახაზებზე.

17 იანვარი

1861 – ამერიკელმა თომას რეკპერმა დააპატენტა ბიდე.

1893 – ჰავაის კუნძულები შეუერთდა ამერიკის შეერთებულ შტატებს.

1912 – ინგლისელი რობერტ სკოტის ექსპედიციამ მიაღწია სამხრეთ პოლუსს, მაგრამ აღმოჩნდა, რომ მათ დაასწრო რაულ ამუნდსენის ექსპედიციამ.

18 იანვარი

1778 – ჯეიმს კუკმა აღმოაჩინა ჰავაის კუნძულები.

1871 – ვერსალში პრუსიის სამეფო გერმანიის იმპერიად გამოცხადდა.

1934 – პირველად ინგლისელ პოლიციელებს დაურიგდათ ჯიბის რადიომიმღებები („რაცია“).

1994 – დიდი მიწისძვრა ლოს-ანჯელესში, ბევრი შენობა დაინგრა, 34 ადამიანი დაიღუპა.

19 იანვარი

1903 – შედგა პირველი ველორბოლა – „ტურ დე ფრანსი“.

1915 – პირველად და უკანასკნელად ისტორიაში, მოხდა გერმანელთა სამხედრო დირიჟაბლების თავდასხმა ინგლისზე.

1939 – ვინმე ერნესტ ჰაუზენმა, უჩვეულო რეკორდი დაამყარა – 5 წამში გაპუტა დაკლული ქათამი.

1955 – ამერიკის პრეზიდენტმა დუაიტ ეიზენჰაუერმა პირველად მოაწყო საკუთარი პრესკონფერენციის ტელეჩვენება.

1966 – ინდირა განდი გახდა ინდოეთის პრემიერ-მინისტრი.

20 იანვარი

1265 – შედგა ინგლისის პირველი პარლამენტის პირველი სხდომა.

1841 – ჩინეთმა ქალაქი ჰონგკონგი 156 წლით ინგლისს გადასცა სამმართველოდ.

1946 – ამერიკის შეერთებული შტატების პრეზიდენტმა ტრუმენმა ხელი მოაწერა ცენტრალური სადაზვერვო სამსახურის (ცეერუ) შექმნის დოკუმენტს.

21 იანვარი

1506 – რომის პაპ იულიუს მეორის ბრძანებით, შეიქმნა ვატიკანის შვეიცარიელთა გვარდია. ის მსოფლიოში დღეს არსებულთაგან ყველაზე უფრო ძველ სამხედრო შენაერთადაა მიჩნეული.

1922 – შვეიცარიაში ჩატარდა მსოფლიოში პირველი ტურნირი სლალომში.

1954 – ამერიკის შეერთებულ შტატებში ექსპლუატაციაში შევიდა მსოფლიოში პირველი ბირთვული წყალქვეშა ნავი „ნაუტილუსი“.

1993 – ქალაქ უტიკაში (აშშ) გამოაცხვეს მსოფლიოში უდიდესი ფუნჩულა („პონჩიკი“), წონით 1,7 ტონა.

22 იანვარი

1964 – ზამბია გახდა დამოუკიდებელი სახელმწიფო.

1970 – დაიწყო თვითმფრინავ „ბოინგ 747-ის“ რეგულარული ფრენები. დღეს ის ყველაზე გავრცელებული სამგზავრო თვითმფრინავია მსოფლიოში.