ტაჯიკეთის პრეზიდენტის უფროსი ვაჟი, რუსტამ ემომალი რესპუბლიკის ფეხბურთის ფედერაციას ჩაუდგა სათავეში. ფედერაციის ყოფილმა პრეზიდენტმა, სუჰრობ კასიმოვმა, რომელსაც ეს თანამდებობა 2002 წლიდან ეკავა, აღნიშნა, რომ ამიერიდან ტაჯიკური ფეხბურთი საიმედო ხელშია. ემომალი – რაჰმონის ვაჟი, ტაჯიკეთის საბაჟო სტრუქტურაში, კონტრაბანდასთან ბრძოლის სამსახურს ხელმძღვანელობს და ასევე, მოქმედი ფეხბურთელი, კლუბ „ისტიკლოლის” თავდამსხმელია. კლუბთან ერთად, ის 2011 წელს, ზედიზედ მეორედ გახდა ტაჯიკეთის ჩემპიონი.