ამერიკელი კალათბურთელი და NBA-ს კლუბ „მაიამი ჰითის” ვარსკვლავი, ლებრონ ჯეიმსი, რომელსაც ქომაგები „მეფე ჯეიმსს” უწოდებენ, ქორწინდება. ჯეიმსის რჩეული მისი დიდი ხნის „გერლფრენდი“, სავანა ბინსონია, რომელსაც 27 წლის სპორტსმენი ჯერ კიდევ სკოლის პერიოდიდან ხვდება. აღსანიშნავია, რომ წყვილს უკვე ჰყავს ორი საერთო შვილი – 7 წლის ლებრონ-უმცროსი და 4 წლის ბრიუს-მაქსიმუსი. თუმცა, ოფიციალურად, ლებრონი მანამდე ქორწინებაში არც ყოფილა. კალათბურთელი უკვე იღებს მილოცვებს და ერთ-ერთმა პირველმა მას „ლოს-ანჯელეს კლიპერსის” მცველმა, კრის პოლამ მიულოცა „ტვიტერის” საშუალებით.