28 დეკემბერს, ნოდარ დუმბაძის სახელობის მოზარდ მაყურებელთა თეატრში, გიორგი ბარამაშვილის ორგანიზებით, გაიმართა კონკურსი „მის სკოლა”. კონკურსის გამარჯვებულისთვის მთავარ პრიზად სამოდელო სააგენტო, „ნიუ სთარში” ერთწლიანი სწავლება იყო დაწესებული. კონკურსის ბოლოს სააგენტოს დირექტორმა, სვეტლანა ოგანმა გადაწყვიტა, დაეჯილდოებინა კონკურსანტი მეექვსე ნომრით – ანა შავიძე. მისი აზრი ჟიურის წევრების აზრს დაემთხვა და კონკურსის გამარჯვებული ანა შავიძე გახდა. თხუთმეტი წლის ანა უბედნიერესი იყო – ის სკოლის ყველაზე ლამაზი მოსწავლეა. ჟიურის წევრებმა და ორგანიზატორებმა გადაწყვეტილება მიიღეს, რამდენიმე მონაწილესთვის საქორწინო ფოტოსესია, ეჩუქებინათ სტუდია-სალონ „ზი ვაითში”. სტუდია-სალონის ხელმძღვანელის, ნანა ნოზაძის გადაწყვეტილება სრული მოულოდნელობა იყო ანი მაჭარაშვილის, მერი ხიხატიანისა და ანი შავიძისთვის. მათ წინ არაჩვეულებრივი ფოტოსესია ელოდებათ.