ლისაბონის „ბენფიკის” არგენტინელი ლეგიონერის, ეზეკილ გარაის „გერლფრენდი“ – ტამარა გორო, ესპანელი ჟურნალისტების მიერ ჩატარებული გამოკითხვის თანახმად, ფეხბურთელთა „გერლფრენდებს“ შორის ყველაზე ლამაზად დასახელდა. მომხიბლავი მოდელი 2009 წელს „მის ესპანეთის” კონკურსის მონაწილეა და მას გამოკითხულთა 29 პროცენტმა მიაკუთვნა პირველი ადგილი. მეორე ადგილი „მანჩესტერ იუნაიტედის” გოლკიპერის, დავიდ დე ხეას მეგობარ გოგონას, ედურნეს ერგო. მესამეზე კი, კრიშტიანუ რონალდუს რუსი „გერლფრენდი“ – ირინა შეიკი გავიდა. გამოკითხვის შარშანდელმა გამარჯვებულმა, დიეგო ფორლანის ექსსაცოლემ, ზაირა ნარამ მეექვსე ადგილი დაიკავა.