იტალიური „ნაპოლის” ფორვარდი, ეზეკილ ლავეცი ტრავმას მკურნალობს და სულ მალე შეუერთდება, სავარაუდოდ, ნეაპოლურ კლუბს. მანამდე კი ფეხბურთელმა სრულყოფილად დაისვენა და საშობაო არდადეგები სამშობლოში, საცოლესთან – იანინასთან ერთად გაატარა. ლავეცი შობა-ახალ წელს ბუენოს-აირესში შეხვდა, შემდეგ კი ურუგვაიში გაემგზავრა, სადაც პუნტა დელ ესტეს პლაჟზე ეფიცხებოდა მზეს. ეზეკილმა და იანინამ კარნავალშიც მიიღეს მონაწილეობა და შეკრებილი სტუმრები თავიანთი კოსტიუმებით გააოცეს. ახლახან ფეხბურთელმა თავის „ტვიტერზე” დაწერა, რომ მოუთმენლად ელის მოედანზე დაბრუნებას და თავის ქომაგებს მხარდაჭერისთვის მადლობას უხდის.