რონალდოს სახლში მსაჯი ჰყავს
ჟაკი ჰიური ბრაზილიელი მოდელია და გარდა პოდიუმისა, ხშირად საფეხბურთო მატჩებზეც ჩნდება. იგი „კორინთიანსს“ ქომაგობს და, ბევრი აცხადებს, რომ ძალიან ხშირად, ის უფრო საინტერესო სანახავია, როგორ ქომაგობს გუნდს ჟაკი, ვიდრე ის, თუ რა ხდება მოედანზე, როგორც ჩანს, ეს გოგონა „კორინთიანსის“ ფორვარდმა რონალდომაც შენიშნა. „ბარსელონას“, „რეალისა“ და „მილანის“ ყოფილმა ფორვარდმა ქალი ჯერ გაიცნო, მერე კაფეში დაპატიჟა, ახლა კი ჟაკი მასთან ცხოვრობს, მაგრამ, ისე ჩანს, ქალის ნაცვლად „კიჭამ“ სახლში მსაჯი მიიყვანა.
„რონალდო გავაფრთხილე, რომ თუ ცუდად ითამაშებს, „ყვითელ ბარათს“ ვუჩვენებ და ღამით იმაზე ადრე დავაძინებ, ვიდრე ამას ჩვეულებრივ აკეთებს, ხოლო თუ ძალიან ცუდად ითამაშებს, მაშინ „წითელს“ მიიღებს და ჩემ გვერდით დაწოლა სამი დღით აეკრძალება. დამიჯერეთ, ეს მისთვის სერიოზული სასჯელია“, – განაცხადა ჰიურიმ.