ბრაზილიელმა სუპერვარსკვლავმა, მსოფლიოს ჩემპიონმა რობერტო კარლოსმა დიადი არგენტინელი, დიეგო მარადონა საავადმყოფოში მოინახულა. არაბული „ალ-ვასლას” მთავარ მწვრთნელად მომუშავე მარადონამ თირკმლიდან კენჭების მოშორების ოპერაცია გაიკეთა.  სწორედ ამ დროს მოინახულა ის კარლოსმა, რომელიც მახაჩკალის „ანჟისთან” ერთად იმყოფება შეკრებაზე  არაბეთის გაერთიანებულ საემიროებში. ბრაზილიელმა ლეგენდარულ არგენტინელს ავტოგრაფი გამოართვა და ამხანაგური მატჩის გამართვაზე ჩამოუგდო სიტყვა, რაზეც დიდი დიეგოსგან დასტური მიიღო.