„ლოს-ანჯელეს გელექსის” ინგლისელ ნახევარმცველს, დევიდ ბექჰემს თმის ცვენა დაეწყო. ფეხბურთელი განიცდის, რომ შესაძლოა მომავალში უთმოდ დარჩეს, არ უნდა, რომ მამამისივით მელოტი იყოს. „ბოლო დროს ფეხბურთზე ვერ ვკონცენტრირდები, მადარდებს ის ფაქტი, რომ ვმელოტდები. ალბათ, უეინ რუნის მივბაძავ და თმას გადავინერგავ. ამაში ცუდს ვერაფერს ვხედავ“, – განაცხადა ბექჰემმა, რომელმაც ახლახან ახალი, ორწლიანი კონტრაქტი გააფორმა „ლოს-ანჯელეს გელექსისთან” და საბოლოოდ, თქვა უარი სათამაშოდ ევროპაში დაბრუნებაზე.