ამერიკის ნაციონალური საკალათბურთო ასოციაციის კლუბ „ოკლაჰომა-სიტის” კონგოლეზური წარმოშობის კალათბურთელმა, სერჟ იბაკამ, რომელიც ესპანეთის ნაკრების ღირსებას იცავს, ლოკაუტის პერიოდი მადრიდში გაატარა, სადაც ადგილობრივ „რეალში” თამაშობდა. თავისუფალ დროს იბაკა სოციალური ქსელების ხშირი სტუმარი გახლდათ, მათ შორის „ფეისბუქისაც”, სადაც გაიცნო კიდეც თავისი ამჟამინდელი „გერლფრენდი“, მოდელი და მწერალი – ჰედისა ვისალა. რამდენიმედღიანი მიმოწერის შემდეგ, წყვილი მადრიდის ცენტრში მდებარე ერთ-ერთ რესტორანში შეხვდა და ჰედისას თქმით, იბაკამ მასზე დადებითი შთაბეჭდილებები დატოვა. მოგვიანებით ჰედისამ თავისივე „ფეისბუქის” კედელზე დაწერა, რომ იბაკა იდეალური მამაკაცია ყველა გაგებით, მათ შორის საწოლშიც. ამიტომ, ბედნიერია, რომ თავად გამოიჩინა გაცნობის ინიციატივა. ამჟამად კალათბურთელი ამერიკაში დაბრუნდა, ხოლო ჰედისა მადრიდში წიგნის დასაწერად ემზადება, სადაც დაწვრილებით აღწერს თავისი „სოციალური” რომანის დაწყების ისტორიას.