უკვე დროა ვირუსებთან ბრძოლა დაიწყოთ. იზრუნეთ საკუთარ ჯანმრთელობაზე და დროულად დაიცავით თავი. აუცილებლად გაითვალისწინეთ ქვემოთ მოყვანილი რჩევები და ამით თავს დიდ დახმარებას გაუწევთ. კერძოდ:

* ავადმყოფებთან კონტაქტის დროს ცხვირის ნესტოებში წაისვით ოქსოლინის მალამო და სვით კომპლექსური პოლივიტამინები;

* ხშირად გაანიავეთ ოთახები. სუფთა ჰაერი ინფექციებს ებრძვის და აუცილებელია ლორწოვანას ნორმალური ფუნქციონირებისთვის;

* ოთახში ვირუსების მოსასპობად, დაჭერით ნიორი, დაალაგეთ თეფშზე და დადგით სხვადასხვა ადგილას;

* როგორც კი ცუდად იგრძნობთ თავს, გადადეთ ყველა საქმე, ჩაწექით ლოგინში, მოერიდეთ ორპირ ქარს, სვით რაც შეიძლება ბევრი სითხე და ნუ მიირთმევთ ბევრ საკვებს;

* ეცადეთ, არ მოწიოთ სიგარეტი, რადგან თამბაქოს ბოლი აუარესებს ორგანიზმის საერთო მდგომარეობას და გამოჯანმრთელების პროცესს ანელებს.

გრიპის დროს და პროფილაქტიკის მიზნით, გამოიყენეთ შემდეგი რეცეპტი: ნახევარი ჩაის ჭიქა მცენარეული ზეთი ადუღეთ წყლის ორთქლზე დაახლოებით ნახევარი საათი. შემდეგ გააცივეთ, გაწურეთ და ჩაყარეთ შიგ დაჭრილი ოთხი-ხუთი კბილი ნიორი და ნახევარი თავი ხახვი. მიქსერით კარგად აურიეთ. ეს მალამო წაისვით ცხვირის ნესტოებში და ვირუსები აღარ მოგეკარებათ.