ინგლისის ნაკრების მთავარმა მწვრთნელმა გადაწყვიტა, სიურპრიზი გაუკეთოს იმ ფეხბურთელებს, რომელთაც ევროპის 2012 წლის ჩემპიონატზე წაიყვანს და მათ მეუღლეებთან და საყვარელ ადამიანებთან ურთიერთობის საშუალება ექნებათ. აღსანიშნავია, რომ სამხრეთ აფრიკის მუნდიალის დროს ფეხბურთელებს აკრძალული ჰქონდათ ურთიერთობა მეუღლეებთან და „გერლფრენდებთან“. დიდწილად ნაკრების წარუმატებლობა სწორედ ამ ფაქტს დაბრალდა. აღსანიშნავია, რომ ტურნირის მასპინძლები, კერძოდ, პოლონური ქალაქ კრაკოვის მერი – იაცეკ მაიხროვსკი მოხარულია, რომ ინგლისელი ფეხბურთელები იქ მეორე ნახევრებთან ერთად ჩავლენ და ადგილობრივ მაღაზიებსა და რესტორნებს ესტუმრებიან. ეს მათთვის ფინანსურ მოგებასთან ერთად უფასო რეკლამაც იქნება.