14 ნოემბერი

1666 – სემუელ პეპისმა განახორციელა პირველი წარმატებული სისხლის გადასხმა (ძაღლიდან ძაღლზე).

1851 – ნიუ-იორკში გამოქვეყნდა ჰერმან მელვილის მოთხრობა „მობი დიკი“.

1910 – ამერიკის შეერთებულ შტატებში, ნორფოლკში ხომალდის გემბანიდან პირველად აფრინდა თვითმფრინავი.

1940 – გერმანულმა ავიაციამ მიწასთან გაასწორა ინგლისური ქალაქი ქოვენთრი.

1960 – დაარსდა „ოპეკი“ – ნავთობის ექსპორტიორ ქვეყანათა ორგანიზაცია.

15 ნოემბერი

1492 – ქრისტეფორე კოლუმბმა თავის დღიურში პირველად აღწერა თამბაქო.

1889 – ბრაზილიაში დაემხო მონარქია და ეს ქვეყანა რესპუბლიკად გამოცხადდა.

1904 – ამერიკელმა კინგ ჟილეტმა დააპატენტა წვერსაპარსი ცვლადი პირებით.

1960 – ზღვაში გავიდა „ჯორჯ ვაშინგტონი“ – პირველი წყალქვეშა ნავი ბირთვული შეიარაღებით.

16 ნოემბერი

1532 – ესპანელ კონკისტადორებს ტყვედ ჩაუვარდათ ინკების იმპერატორი ატაჰუალპა.

1918 – უნგრეთი გამოეყო ავსტრია-უნგრეთს და ცალკე რესპუბლიკად გამოცხადდა.

1972 – საბჭოთა კავშირში გასაყიდად გამოვიდა „პეპსი-კოლა“.

17 ნოემბერი

1839 – მილანში შედგა პრემიერა ჯუზეპე ვერდის პირველი ოპერისა „ობერტო, ბონიფაჩოს გრაფი“.

1855 – ინგლისელმა მოგზაურმა დევიდ ლივინგსტონმა აფრიკაში აღმოაჩინა ვიქტორიას ჩანჩქერი.

1869 – ოფიციალურად გაიხსნა სუეცის არხი.

1948 – კრეისერი „ავრორა“ გადააქციეს მუზეუმად.

18 ნოემბერი

1307 – თუ ლეგენდას დავუჯერებთ, სწორედ ამ დღეს ვილჰელმ ტელმა მოარტყა ისარი საკუთარი შვილის თავზე დადებულ ვაშლს.

1626 – რომში ეკურთხა წმიდა პეტრეს ტაძარი, რომლის მშენებლობა 1452 წელს დაიწყო.

1865 – შედგა მარკ ტვენის ლიტერატურული დებიუტი.

19 ნოემბერი

1703 – ბასტილიაში გარდაიცვალა პატიმარი, რომელიც ცნობილია, როგორც „ადამიანი რკინის ნიღაბში“.

1891 – გასაყიდად გამოვიდა პირველი სათამაშო რკინიგზა.

1978 – ჯორჯთაუნში (გაიანა) ერთდროული თვითმკვლელობის აქტი მოაწყო 900-მა სექტანტმა – ეს იყო ყველაზე მასიური თვითმკვლელობა მეოცე საუკუნეში.

20 ნოემბერი

1815 – გამოცხადდა შვეიცარიის ნეიტრალიტეტი და მისი საზღვრების ურღვევობა.

1917 – კამბრეს ბრძოლა პირველ მსოფლიო ომში, გამორჩეული იყო იმით, რომ პირველად ისტორიაში, გადამწყვეტი როლი ითამაშა ტანკებმა.

1929 – პარიზში შედგა სალვადორ დალის პირველი პერსონალური გამოფენა.

1969 – პელემ გაიტანა თავისი მე-1000 გოლი.