ფეხბურთში მსოფლიოს ჩემპიონატს, რომელიც 2018 წელს რუსეთში ჩატარდება, პირველი სპონსორი გამოუჩნდა. ლუდსახარშმა კონცერნმა Anheuser-Busch InBev „ფიფასთან” ახალი კონტრაქტი გააფორმა, რომელიც 2018 და 2022 წლის მსოფლიოს ჩემპიონატების სპონსორობას ითვალისწინებს. აღსანიშნავია, რომ კონცერნის ფლაგმანი ბრენდი „ბუდვაიზერი”, 1986 წლის მექსიკის მუნდიალიდან თანამშრომლობს ფეხბურთის მსოფლიო ორგანიზაციასთან. კონტრაქტის თანახმად, ბელგიურ კონცერნს შეეძლება არა მხოლოდ ლუდის ბრენდების ბანერების დადგმა სტადიონებზე, არამედ თავისი სხვა სავაჭრო ნიშნების რეკლამირებაც.