მექსიკური კლუბ „ჩივასის” ორი ფეხბურთელი – მარკო ფაბიანო დე ლა მორუ და ალბერტო მედინა კლუბის ხელმძღვანელობამ გოლის უჩვეულო აღნიშვნის  გამო დააჯარიმეს. მატჩი, რომელიც ქალაქ გვადალახარის გუნდმა 5:2 მოიგო, ორივე ფეხბურთელისთვის არცთუ სასიამოვნო მოგონებად დარჩება. ერთ-ერთი გატანილი გოლი ფეხბურთელებმა თავში სროლის იმიტაციით აღნიშნეს, რის გამოც დაისაჯნენ. კლუბის შეფობამ ფეხბურთელების ეს ქმედება ექსტრემისტულად ჩათვალა და თითოეული 50 ათასი პესოთი დააჯარიმა. ფეხბურთელებმა უკვე საჯაროდ მოიხადეს ბოდიში ამ ფაქტის გამო.