ვაშინგტონში მდებარე მადამ ტიუსოს ცვილის ფიგურების მუზეუმის ფილიალში, „ენჰაელის” ვარსკვლავის, „ვაშინგტონ კეპიტელზის” წევრის, ალექსანდრ ოვეჩკინის ცვილის ფიგურა დაიდგა. მუზეუმის თანამშრომლებმა ფიგურის შექმნისას ოვეჩკინს 250-ჯერ აუღეს ზომები სხვადასხვანაირად, გარდა ამისა, ცვილის ასლს ოვეჩკინმა საკუთარი ციგურები, სვიტერი და „დამცავი” ამუნიციაც უსახსოვრა. აღსანიშნავია, რომ 26 წლის ჰოკეის რუსი ვარსკვლავი ისტორიაში მეორე ჰოკეისტია, რომელსაც ცვილის ფიგურა დაუდგეს. პირველი ლეგენდარული კანადელი, უეინ გრეცკი იყო.