„მის იტალიის“ რჩეული „რეჯინა“
„მის იტალია 2011” – სტეფანია ბივონე სერია „ბ“-ს კლუბ „რეჯინას” თავგადაკლული ქომაგი აღმოჩნდა. 19 წლის კალაბრიელი ლამაზმანი სექტემბერში გახდა პრესტიჟული ტიტულის მფლობელი და იტალიელებისთვის ტრადიციულ კითხვაზე ფეხბურთის შესახებ, სტეფანიამ უპასუხა, რომ ბავშვობიდან „რეჯინას” ქომაგია. სერია-„ა-ში“ კი დედაქალაქურ „რომას” გულშემატკივრობს. სტეფანია ბივონემ აღნიშნა, რომ სულ არ გეგმავდა კონკურსში გამარჯვებას და მომავალში იურისპრუდენცია უფრო იზიდავს, ვიდრე მოდელობა. გარდა ამისა, ცნობილი გახდა, რომ სტეფანია დამწყები მომღერალია, ხოლო თავისუფალ დროს „ორესტო გრანილეს” სტადიონზე უყვარს ყოფნა, სადაც საყვარელ გუნდს მეგობრებთან ერთად ქომაგობს.