ფეხბურთში 2014 წლის მსოფლიოს ჩემპიონატის ფინალური შეხვედრა რიო-დე-ჟანეიროში, სტადიონ „მარაკანაზე” გაიმართება. ამის თაობაზე „ფიფამ“ ოფიციალური განცხადება გააკეთა: მუნდიალი 12 ივნისს დაიწყება და 13 ივლისს დასრულდება. გახსნის მატჩი სან-პაულოში „არენა დე სან პაულოზე” გაიმართება. ამავე სტადიონზე ჩატარდება ერთ-ერთი ნახევარფინალური შეხვედრა, ხოლო მეორე ნახევარფინალი ბელუ-ორიზონტეში გაიმართება. ბრაზილიის დედაქალაქ ბრაზილიაში ჩატარდება მატჩი მესამე ადგილისთვის. სულ მუნდიალს ბრაზილიის 12 ქალაქი უმასპინძლებს, უკვე ნახსენები რიო-დე-ჟანეირო, ბელუ-ორიზონტე, სან-პაულო, ბრაზილია, პორტო-ალეგრი, კურიტიბა, კუიაბა, სალვადორი, რესიფე, ნატალი, ფორტალეზე და მანაუსი. შეგახსენებთ, რომ მომდევნო მსოფლიოს ჩემპიონატი 2018 წელს – რუსეთში, ხოლო 2022 წელს ყატარში ჩატარდება.