სამგზის მსოფლიოს ჩემპიონმა და პლანეტის ყველა დროის საუკეთესო ფეხბურთელმა, პელემ გადაწყვიტა, თავისი თამაშის ჩანაწერები ლიონელ მესის გაუგზავნოს. ეს გადაწყვეტილება პელემ მას შემდეგ მიიღო, რაც გაიგო, რომ მესის მისი თამაში თვალით არ უნახავს. პელე დოკუმენტური ფილმის „მარადიული პელეს” დივიდი ვერსიის გაგზავნას აპირებს მესის მისამართზე. პელემ აღნიშნა, რომ რამდენიმე წლის წინ, იგივე ფილმი დიეგო მარადონასაც გაუგზავნა. შეგახსენებთ, რომ ერთ-ერთ ინტერვიუში მესიმ აღნიშნა, მიუხედავად იმისა, რომ პელეს ადარებენ, მას არასდროს უნახავს „ფეხბურთის მეფის” თამაში და კომენტარის გაკეთებისგან მხოლოდ ამიტომ იკავებს თავს. ფილმი „მარადიული პელე” ლეგენდარული ფეხბურთელის „სანტოსის”, „ნიუ-იორკ კოსმოსის” და ბრაზილიის ნაკრების შემადგენლობაში ჩატარებული მატჩების ფრაგმენტებს ასახავს.