ვენესუელის პრეზიდენტის, უგო ჩავესის ქალიშვილმა, როსინემ ვერ მოახერხა არგენტინელ სუპერვარსკვლავთან, ლეო მესისთან ფოტოს გადაღება, რის გამოც განაწყენებულმა დატოვა სტადიონი. არგენტინის ნაკრებმა 0:1 წააგო ვენესუელის ნაკრებთან და მატჩის შემდგომ, როსინე არგენტინელების გასახდელისკენ გაეშურა ლეო მესის სანახავად, თუმცა, აღმოჩნდა, რომ წაგებით განაწყენებულმა „ბარსელონას” ვარსკვლავმა სტადიონი ნაადრევად დატოვა საკუთარი ავტომობილით  და სასტუმროსკენ გაეშურა. როსინემ კი ერთადერთი, რაც მოახერხა, არგენტინელების მწვრთნელთან, ალეხანდრო საბელიასთან გადაიღო ფოტო.