იტალიური ტელეშოუების ვარსკვლავმა, ვანესა რავიციმ უარყო ჭორი იმის თაობაზე, თითქოს მას და ექსფეხბურთელ კრისტიან „ბობო” ვიერის სასიყვარულო რომანი აკავშირებთ. ვანესას თქმით, ის და ბობო, მხოლოდ მეგობრები არიან და მათი სიყვარულის ამბავი აბსურდულია. ბობო ვიერი სულ ახლახან დაშორდა თავის დიდი ხნის „გერლფრენდს”, მელისა სატას და უცნობია, ხვდება თუ არა ამჟამად ვინმეს. სამაგიეროდ, ცნობილია, რომ ვანესა რავიციმ თავის დიდი ხნის მეგობართან, ალბერტო სკრივანისთან განაახლა ურთიერთობა.