ჟან-მარკ მორმეკთან 10 დეკემბერს დანიშნულ შეხვედრამდე უკრაინელმა მძიმეწონოსანმა მოკრივემ ვლადიმირ კლიჩკომ სკანდალური და ეპატაჟური აღიარებებით შეახსენა თავი მედიას. 1996 წლის ოლიმპიურმა ჩემპიონმა და ბოლო დროის საუკეთესო მოკრივემ საჯაროდ აღიარა, რომ არ ეტანება ალკოჰოლს, სამაგიეროდ უყვარს „ნარკოტიკები” დიდ დოზებში. თავის „ნარკოტიკად” კლიჩკომ კაიტსერფინგი დაასახელა, რითაც თავისუფალ დროს ერთობა. ასევე, კლიჩკომ ხაზი გაუსვა, რომ მას დაბალი გოგონები უფრო იზიდავენ, ვიდრე მაღლები. შეგახსენებთ, რომ კლიჩკო ბოლოს ჰოლივუდის ვარსკვლავს, ჰაიდენ პანეტიერის ხვდებოდა, რომლის სიმაღლე 155 სანტიმეტრია.