კითხვა: დავიბადე 1977 წლის 10 მაისს, საღამოს საათებში. უცხოეთის რომელი ქვეყანაა ჩემთვის მისაღები და ასტროლოგიურად რომელი სფეროებია წარმატებების მომტანი?

პასუხი: უცხოეთი თქვენი კარმული მისია ნამდვილად არ არის. ის თქვენთვის საშუალოა. ქვეყნებიდან კი კარგია: ამერიკის შეერთებული შტატების აღმოსავლეთი მხარე, ინგლისი, ბელგია, კანადა, ეგვიპტე, საბერძნეთი, ნორვეგია, არგენტინა, მონაკო, ჩინეთი, ლატვია, ესპანეთი, ავსტრალია, იტალია, გერმანია და რუსეთი. პროფესიებიდან წარმატებების მომტანია: ჟურნალისტიკა, სარეკლამო და საგამომცემლო ინდუსტრია, ხელოვნების ფართო სპექტრი, სადალაქო ინდუსტრია, არქიტექტურა, ტურისტული ბიზნესი, პროფესიონალური დიპლომატია, ავიაციის ბიზნესი, ქორეოგრაფია, საკონდიტრო ინდუსტრია, სოციოლოგია, ფოტოგრაფია, პარფიუმერიულ-კოსმეტიკური სფერო.

კითხვა: დავიბადე 1981 წლის 4 ნოემბერს. უცხოეთის რომელი ქვეყანაა ჩემთვის მისაღები და რა არის ჩემი კარმულ-კოსმიური მისია?

პასუხი: თქვენი კარმული მისია უკავშირდება იმას, რომ იყოთ პატრიოტი, დაიცვათ ტრადიციები. უნდა დაასტაბილუროთ საოჯახო და სამეგობრო ურთიერთობები. უცხოეთი თქვენი კარმული მისია არ არის, თუმცა, იქ დროებით ყოფნა მისაღებია. იქ დაგროვილი კაპიტალი, ცოდნა და გამოცდილება სამშობლოში უნდა მოიხმაროთ. ქვეყნებიდან კი კარგია: ამერიკის შეერთებული შტატების დასავლეთი ნაწილი, ჩრდილო-დასავლეთ აფრიკის ქვეყნები, ჰოლანდია, პარაგვაი, შოტლანდია, თურქეთი, საფრანგეთი, ახალი ზელანდია, ჩინეთი, ინდოეთი, იტალიის ვენეციის მხარე, უზბეკეთი, ტაჯიკეთი, ნეპალი, არგენტინა, ბირმა, ტიბეტი, სან-მარინო, მონაკო, ლატვია, ჰავაის კუნძულები ავსტრია, გვატემალა.

კითხვა: ჩემი შვილიშვილი დაიბადა 1992 წლის 19 აგვისტოს, შუადღისას, დაახლოებით 1-დან 2 საათამდე. რა არის მისი კარმული მისია დედამიწაზე და რა გააკეთოს, რომ ცხოვრებაში წარმატებული იყოს?

პასუხი: მისი კარმული მისიაა, იყოს აქტიური, ენერგიული, შეძლოს საკუთარ თავზე პასუხისმგებლობის აღება, წინა პლანზე წამოსწიოს ლიდერულ-ორგანიზატორული თვისებები. სადაც საჭიროა, იყოს უშიშარი და მებრძოლი. ასევე, უნდა იყოს ოპტიმისტი, კეთილშობილი, კომუნიკაბელური, დაეყრდნოს ცოდნის ბაზას, გააზრებულად ხარჯოს ფინანსები. ყველგან უნდა დაიცვას წესრიგი და სისუფთავე. უნდა იყოს „უხალტურო“ მუშაკი; ასევე, უნდა იყოს მიზანსწრაფული და დამოუკიდებლად შეძლოს საქმის კეთება. გამოავლინოს პასუხისმგებლობის მაღალი გრძნობა. ამით ის დადგება სწორ კოსმიურ ევოლუციურ გზაზე და წარმატებებსაც ადვილად მიაღწევს ცხოვრებაში. ასევე, მისი კოსმიური მისიაა უცხოეთთან კონტაქტი. მისთვის  აუცილებელია, იქ გაატაროს გარკვეული პერიოდი, შეიძინოს ცოდნა და გამოცდილება.

კითხვა: დავიბადე 1987 წლის 31 ოტომბერს, ღამით. რომელი სფეროა ჩემთვის წარმატების მომტანი?

პასუხი: თქვენთვის წარმატებულია შემდეგი პროფესიები: სამეცნიერო კვლევითი საქმე, მანქანათმშენებლობა, მანქანების დიზაინი, საინჟინრო საქმე, სამხედრო სტრუქტურები, საგანმანათლებლო სფერო, ფსიქოთერაპია, სპორტი, პოლიტიკის ფართო სპექტრი, ავიაციის ბიზნესი ან შემოქმედება, სამედიცინო სფერო.

კითხვა: დავიბადე 1992 წლის 15 იანვარს. ზოდიაქოს რომელი ნიშნის ქვეშ დაბადებულ ადამიანთან მექნება ჰარმონიული და მშვიდი სასიყვარულო კავშირი?

პასუხი: სასიყვარულო-რომანტიკული ურთიერთობებისთვის თქვენთვის მისაღებია მშვილდოსნის, კუროს, მორიელის ან თევზების ზოდიაქოს ნიშნის ქვეშ დაბადებული ადამიანი. ერიდეთ მერწყულებს.