როგორც გაირკვა, Apple, მიუხედავად მისი დამაარსებლის, სტივ ჯობსის გარდაცვალებისა, არ ჩერდება და მსოფლიო ბაზრის ახალ-ახალი პროდუქტებით გაოცებას აპირებს.

სანდო წყაროებზე დაყრდნობით, გავრცელდა ინფორმაცია, რომ უახლოეს პერიოდში „ეფლი“ აპირებს პლანშეტური კომპიუტერის, iPad-ის ბიუჯეტური ვერსიის გამოშვებას.

ამ ახალ პლანშეტს ერქმევა iPad mini და ის, სავარაუდოდ, 2012 წლის პირველ ნახევარში დაიდება მაღაზიების დახლებზე. ამასთან, აღსანიშნავია, რომ ამ პროდუქტის დასახელებაში  სიტყვა „მინი“ სულაც არ აღნიშნავს მის დაბალ ფასს და არანაირად არ ნიშნავს იმას, რომ „ეფლის“ ამ ახალ პროდუქტს ეკრანის ზომა  შემცირებული ექნება; პირიქით, ზოგიერთი ფუნქციური მაჩვენებლით, ის iPad 2-საც გაუსწრებს და სერიოზულ კონკურენციას გაუწევს ბაზარზე არსებულ სხვადასხვა კონკურენტი ფირმის შედარებით იაფ პლანშეტებს.