ფეხბურთის ურუგვაელმა სუპერვარსკვლავმა, დიეგო ფორლანმა თავისი ქვეყნის 81 წლის წინათ დამყარებული რეკორდი მოხსნა და ურუგვაის ნაკრების ყველა დროის ბომბარდირის ტიტულს დაეუფლა. პარაგვაისთან 12 ოქტომბერს გატანილი გოლი მის კარიერაში 32-ე აღმოჩნდა და ამით მან ლეგენდარული ექტორ სკარონეს რეკორდი მოხსნა. სკარონე 1917-1930 წლებში გამოდიოდა ურუგვაის ნაკრებში და 31 გატანილი გოლით ფორლანამდე სწორედ ის ითვლებოდა ეროვნული ნაკრების ბომბარდირად. გარდა ამისა, დიეგო ფორლანმა საკუთარი რეკორდიც გააუმჯობესა და ნაკრების შემადგენლობაში სარეკორდო – 84-ე მატჩი ჩაატარა.