„ლოს-ანჯელეს გელექსის” ინგლისელმა ვარსკვლავმა, დევიდ ბექჰემმა განაცხადა, რომ სპორტული კარიერის დასრულების შემდეგ „მანჩესტერ იუნაიტედში” დაბრუნდებოდა და სპორტული დირექტორის თანამდებობას დაიკავებდა. ბექჰემმა აღნიშნა, რომ მას საუკეთესო მოგონებები აკავშირებს მშობლიურ კლუბთან და სურს, მომავალში მხარში ამოუდგეს მას. 36 წლის ბექჰემს იმავე ფუნქციის შესრულება უნდა „მანჩესტერში”, რასაც ლეგენდარული ზინედინ ზიდანი ასრულებს „რეალში”. ბექჰემის კონტრაქტი ამერიკულ კლუბთან 2011 წლის ნოემბერში იწურება და უკვე საუბრობენ იმაზე, რომ ზამთრის სატრანსფერო ფანჯრის დროს იგი ან პსჟ-ს ან „ქუინზ პარკ რეინჯერსის” მაისურს მოირგებს.