მოდელი და მსახიობი დანიელა ტამაიო კოლუმბიაში ერთ-ერთ ულამაზეს ქალად და ყველაზე პოპულარულ სელებრითად ითვლება. გარდა ამისა, კოლუმბიელების აზრით, სწორედ ის არის ყველაზე სექსუალური კოლუმბიელი პლანეტაზე. მაგრამ, როგორც ჩანს, ამ ლამაზმანს ერთი აუხდენელი ოცნება აქვს, რომლის რეალობაში ქცევას იგი, სავარაუდოდ, მოახერხებს კიდეც. საქმე ისაა, რომ დანიელა თანამედროვე კოლუმბიური ფეხბურთის ყველაზე კაშკაშა ვარსკვლავით, მადრიდის „ატლეტიკოს” შემტევით, რადამელ ფალკაოთია გატაცებული და, ამბობენ, ამის გამო, „ატლეტიკოს” არც ერთ თამაშს არ ტოვებს უნახავსო. საინტერესოა, რომ ფალკაო ღრმად მორწმუნე ადამიანია და შოუ-ბიზნესის წარმომადგენლებთან ყოველგვარ კავშირს ერიდება, რაც დანიელას სურვილის ასრულებას ართულებს.