7 ოქტომბერს კლუბ „რეკორდში“ გაიმართა ვახტანგ გეგელიშვილის პირველი საგინესო-სარეკორდო ასპარეზობა. მისი მიზანი იყო ერთი წუთის განმავლობაში წოლბჯენში 183-ზე მეტი მიზიდვის შესრულება. წუთში 183 მიზიდვა 2010 წელს საქართველოში იოსებ ხუციშვილმა შეძლო, ვახტანგმა კი საკმაოდ რთულ და საინტერესო, აზარტით სავსე ერთ წუთში 191 მიზიდვის შესრულება მოასწრო. ვახტანგ გეგელიშვილი ყოფილი თავისუფალი სტილით მოჭიდავეა. ვახტანგს, რომლის სიმაღლეც 175 სანტიმეტრი, წონა კი 90 კილოგრამია, როგორც სპორტსმენს, საკმაოდ სერიოზული მიღწევები აქვს: 1999 წელს ის ჭაბუკთა შორის საქართველოს ჩემპიონი გახდა, 1998-1999 წლებში კი საკმაოდ ბევრი ტურნირი მოიგო ჭაბუკებს შორის. ღონისძიების მხარდამჭერი იყო საკანცელარიო მაღაზია „გურ ქაინაქი”. რეკორდის დამყარებას უამრავი ადამიანი დაესწრო.