10 ოქტომბერი
1975 – ელიზაბეთ ტეილორი ცოლად გაჰყვა რიჩარდ ბარტონს. ბარტონი მისი მეექვსე ქმარი იყო.
1976 – 98 წლის ბერძენმა დიმიტრი იორდანიდისმა გაირბინა მარათონული დისტანცია 7 საათსა და 33 წუთში.
1980 – ალჟირში მოხდა 7,5-ბალიანი მიწისძვრა. თითქმის მთლიანად დაინგრა ქალაქი ალ-ასლანსი. დაიღუპა 6 ათასი ადამიანი, უსახლკაროდ დარჩა – 250 ათასი.
1995 – მსოფლიოს ჩემპიონმა ჭადრაკში გარი კასპაროვმა მოუგო ინდოელ გროსმაისტერ ვიში ანანდს და ამით შეინარჩუნა ტიტული.
11 ოქტომბერი
1881 – ამერიკელმა დევიდ ჰენდერსონმა დააპატენტა პირველი ფოტოფირი.
1931 – საბჭოთა კავშირში მიიღეს გადაწყვეტილება კერძო ვაჭრობის სრული ლიკვიდაციის შესახებ.
1961 – სემიპალატინსკის პოლიგონზე განხორციელდა პირველი მიწისქვეშა ბირთვული აფეთქება.
1968 – ამერიკელებმა კოსმოსში გაუშვეს პირველი კოსმოსური ხომალდი – „აპოლონ 7“, რომლის ბორტზეც ადამიანები იყვნენ.
1976 – პეკინში დააპატიმრეს „ოთხთა ბანდა“ მაო ძედუნის მეთაურობით. ეს იყო ჩინეთში საფუძვლიანი ცვლილებების დასაწყისი.
12 ოქტომბერი
1492 – კოლუმბის მიერ ამერიკის აღმოჩენის ოფიციალური თარიღი.
1960 – ნიკიტა ხრუშჩოვი გაერთიანებული ერების ორგანიზაციის ასამბლეაზე გამოსვლისას ტრიბუნას ურტყამდა ფეხსაცმელს. სხდომის თავმჯდომარეს კი, რომელიც ცდილობდა, დარბაზში წესრიგი დაემყარებინა, ჩაქუჩი ხელში შემოატყდა.
1968 – მეხიკოში გაიხსნა მე-19 ოლიმპიური თამაშები.
13 ოქტომბერი
1792 – საფუძველი ჩაეყარა ამერიკის შეერთებული შტატების პრეზიდენტთა რეზიდენციას, რომელსაც შემდეგ „თეთრი სახლი“ ეწოდა. 1800 წელს მისი პირველი ბინადრები გახდნენ პრეზიდენტი ჯონ ადამსი და მისი მეუღლე აბიგეილი.
1963 – „ბითლზის“ გამოსვლა ნახა 15-მა მილიონმა ტელემაყურებელმა დიდ ბრიტანეთში, რასაც მოჰყვა ფანების ვნებათაღელვა სახელწოდებით „ბითლომანია“.
14 ოქტომბერი
1793 – რევოლუციური ტრიბუნალის წინაშე წარდგა საფრანგეთის დედოფალი მარია ანტუანეტა, რომელიც ორი დღის შემდეგ დასაჯეს, როგორც კონტრრევოლუციის შეთქმულებისა და ინტერვენციის სულისჩამდგმელი და ხელისშემწყობი.
1947 – ამერიკელმა მფრინავმა, კაპიტანმა ჩარლზ (ჩაკ) იეგერმა პირველმა გადალახა ბგერითი სიჩქარე თვითმფრინავ „X-1-ით“.
15 ოქტომბერი
1666 – ინგლისის მეფემ, ჩარლზ მეორემ, შემოიღო ახალი მოდა – პირველმა ჩაიცვა ჟილეტი.
1917 – დახვრიტეს მატა ჰარი, ყველაზე ცნობილი ქალი-ჯაშუში. სიკვდილის წინ მან უარი თქვა თვალების ახვევაზე და ჯალათებს ჰაეროვანი კოცნა გაუგზავნა.
16 ოქტომბერი
1847 – პირველად გამოიცა შარლოტა ბრონტეს რომანი „ჯეინ ეარი“, რომელსაც მწერალმა ფსევდონიმი – კარერ ბელი მოაწერა.
1964 – ჩინეთში გამოსცადეს პირველი ბირთვული იარაღი. გადაწყვეტილება საკუთარი ბირთვული არსენალის შექმნის თაობაზე ჩინელებმა 1955 წელს მიიღეს.
1978 – კარდინალი კაროლ ვოიტილია აირჩიეს რომის პაპად. მან სახელად იოანე პავლე მეორე დაირქვა. 1542 წლიდან ეს იყო პირველი არაიტალიელი პაპი.