დევიდ ბექჰემმა – „ლოს-ანჯელეს გელექსისა” და ინგლისის ნაკრების ვარსკვლავმა თავისი, რიგით მეშვიდე სუნამო გამოუშვა, ტრადიციული სახელით – „ჰომმე”. სუნამოს გაყიდვაში გაშვებამდე, დევიდი მას პირველად თავის მეუღლეს, ვიქტორიას ასინჯებს, რომლის თანხმობის შემდეგ უკვე სუნამოს პარტიების მიღებას სპეციალიზებული მაღაზიები იწყებენ. სხვათა შორის, თავად დევიდი თავისი სუნამოებიდან არც ერთს არ ანიჭებს უპირატესობას და გავრცელებული ვერსიით, სულაც არ ხმარობს მათ. მეშვიდე არომატის პრეზენტაციაზე ბექჰემმა იხუმრა, რომ ყოველდღე იპკურებს სუნამოს ფეხებსა და კისერზე.