NBA-ს კლუბი „ნიუ-ჯერსი ნეთსი”, რომლის მფლობელი რუსი ოლიგარქი მიხაილ პროხოროვია, 2012-2013 წლების სეზონიდან ახალი, „ბრუკლინ ნეთსის” სახელით იასპარეზებს. კლუბის სახელწოდების ცვლილება ნიუ-არკიდან ნიუ-იორკის უბან ბრუკლინში გადასვლასთან არის დაკავშირებული. გადასვლის შემდეგ საშინაო მატჩებს „ბრუკლინ ნეთსი” „ბარკლი ცენტრის” არენაზე გამართავს, რომლის გახსნა 2012 წლის სექტემბერშია დანიშნული. დარბაზის გახსნის ცერემონიალზე რეპერი „ჯეი-ზი” იმღერებს, რომელსაც კლუბის აქციათა მცირე პაკეტი აქვს. „ნიუ-ჯერსი ნეთსი” NBA-ში 1976 წლიდან გამოდის, ხოლო მიხაილ პროხოროვმა კლუბი 2010 წელს შეიძინა.