„მანჩესტერ სიტის” მცველმა უეინ ბრიჯმა 40 ათას ფუნტ სტერლინგად ღირებული საქორწილო ბეჭედი შეიძინა, თავისი „გერლფრენდისთვის“, პოპ-ჯგუფ „სეთერდეისის” წევრ, 22 წლის ფრენკი სენდფორდისთვის. ინგლისის ნაკრების ექსფეხბურთელი 9 თვეა, ფრენკის ხვდება და ბოლო დროს, შესაფერის მომენტს ეძებდა, რომ მისთვის ხელი ოფიციალურად ეთხოვა. 3,5-კარატიანი ბრილიანტისთვლიანი ბეჭედი ბრიჯმა ლონდონის, ბონდ სთრიტზე მდებარე ძვირად ღირებულ საიუველირო სალონში შეიძინა. შეგახსენებთ, რომ დაქორწინების პირველი მცდელობა ბრიჯისთვის სკანდალურად დასრულდა. აღმოჩნდა, რომ მის ექსსაცოლეს – ვანესა პერონსელს რომანი ჰქონდა საქმროს მაშინდელ, „ჩელსელ“ თანაგუნდელთან – ჯონ ტერისთან და ასევე, „არისტოკრატების” კიდევ ოთხ ფეხბურთელთან, რომელთა გვარები არ ხმაურდება.