ანეგდოტები
***
– რაზე ჩაფიქრებულხარ?
– ვერაფრით მოვიფიქრე, როგორ დავიწყო წერილი. მინდა, იცოდეს, რომ მას ვერ ვიტან, საზიზღარია, მაგრამ რაღაცნაირად პატივისცემაც ხომ უნდა გამოვხატო...
– შენც მისწერე: გამარჯობა, პატივცემულო საზიზღარო.
***
სოფლელი ბიჭი და გოგონა თივის ზვინთან ერთმანეთს ესიყვარულებიან. ბიჭმა გოგონას საკინძის გახსნა დაუწყო.
– მიხო, შენ ყველას ასე ეფერები? – ჰკითხა გოგომ.
– არა, მარტო ძროხას, მაგრამ, გეფიცები, უსიყვარულოდ.
***
სანდრო მეგობრებთან ერთად კაზინოში პირველად შევიდა და ბევრი ფული მოიგო. მეგობრები გაოცებულები შემოეხვივნენ!
– ბედი არ გინდა, როგორ მოახერხე?
– სიზმარში ვნახე – ექვსი შვიდიანი დამესიზმრა და მეც 49-ზე დავდე.
– აბა, შენა ხარ! ექვსჯერ შვიდი ხომ 42-ია.
– ხედავ, ღმერთი რა სამართლიანია: შენ განათლება მოგცა, მე – ფული.
***
„გინდათ, დაიპყროთ ევერესტი, ან, თუნდაც, ყაზბეგი?
თქვენ გიტაცებთ სამყაროს სილამაზე ფრინველთა ირაოს სიმაღლიდან?
თქვენს ოცნებას ჩვენთან შეესხმება ფრთები: მოდით, გაწმინდეთ ფანჯრები ჩვენი თანამედროვე შენობის 38-ე სართულიდან ზემოთ“.
***
მამაკაცი პარკში დოგს ასეირნებს, უცბად ძაღლი გაუსხლტა პატრონს, იქვე მიმავალ გოგონას ეცა და კაბის შემოხევა დაუწყო.
– მიშველე, რა უნდა? – აკივლდა გოგონა.
– ალბათ, კაბის ქვემოთ რაღაცამ დააინტერესა.
– მერე, თქვენ რაღას უდგახართ?
– მე არ დამაინტერესა.
***
ცოლ-ქმარმა იჩხუბა და ერთმანეთს აღარ ელაპარაკებიან. ბოლოს ცოლმა შერიგება გადაწყვიტა:
– კარგი, ჰო, ნუ იბერები, ორივე დამნაშავე ვართ.
კაცი ცოტა დაფიქრდა:
– კი, ორივე... მაგრამ განსაკუთრებით შენ.